أفد و استفد Afid wa Istafid

حللت أهلا ووطئت سهلا يا زائرنا الكريم. المرجوا منك أن تعرّف بنفسك و تدخل المنتدى معنا.

إن لم يكن لديك حساب بعد، نتشرف بدعوتك لإنشائه بالضغط على زر التسجيل

قراءة و تحميل روايات رجل المستحيل كاملة أونلاين
قراءة و تحميل روايات ملف المستقبل كاملة أونلاين
قراءة و تحميل روايات ما وراء الطبيعة كاملة أونلاين

منتدى الثقافة، التعلم و الترفيه Forum de culture, apprentissage et divertissement


مواقع ننصح بزيارتها A visiter






القائمة البريدية

أدخلك بريدك الإلكتروني

البحث Recherche

المواضيع الأخيرة

» الذكرى التاسعة لإنشاء منتدى أفد واستفد
من طرف The King Zaki الأحد 15 نوفمبر 2015, 10:53

» الذكرى الثامنة لافتتاح منتدى أفد و استفد
من طرف The King Zaki السبت 15 نوفمبر 2014, 15:18

» ثلاثون مقولة عن النجاح
من طرف must الإثنين 06 أكتوبر 2014, 12:09

» المشروبات الغازية
من طرف must الأربعاء 01 أكتوبر 2014, 19:41

» Spécial Sciences et Vie
من طرف must الأربعاء 01 أكتوبر 2014, 19:30


(¯`·._.·[ خبيرتي مشات مع الواد و أنا بقيت مع لجواد ]·._.·´¯)///بالدارجة المغربية

شاطر

Karawanah
::مشرفة قسم الأناقة و الزينة و الديكور::


الجنس : انثى
من برج : الميزان
البرج الصيني : الثور
عدد الرسائل : 677
العمر : 31
infos : المهم أن نصل و لا يهم متى نصل
نقاط : 5101
تاريخ التسجيل : 01/04/2007

بطاقة الشخصية
مزاجي: نشيط نشيط
التميز:
منتداك المفضل: التسالي

7assri (¯`·._.·[ خبيرتي مشات مع الواد و أنا بقيت مع لجواد ]·._.·´¯)///بالدارجة المغربية

مُساهمة  Karawanah في السبت 23 يناير 2010, 09:27

(¯`·._.·[ خبيرتي مشات مع الواد و أنا بقيت مع لجواد ]·._.·´¯)
كلمة قالوها ناس زمان اسمع و افهم لحكاية خبيرتي قصة الأجداد اللي عذبناهم باش نعسو و هوما شوقونا نسمعو كل جديد منهم .
سيادنا القصص القديمة مغزاها فيها سبحان اللي عطانا عقل يحفظ اللي ما قدات عليه ورقة كناش .
إوا كل واحد منكم لازم تكون عندو خبيرة يجمعنا فيها بناس عاشو ما شفناهم .اللي عندو في لمزيودة ما يتكال يرميه لينا هنا بغينا خبيرة بغينا خبيرة بغينا خبيرة بغينا خبيرة بغينا خبيرة


عدل سابقا من قبل Karawanah في الإثنين 05 نوفمبر 2012, 20:53 عدل 1 مرات



الكروان الحزين

Karawanah
::مشرفة قسم الأناقة و الزينة و الديكور::


الجنس : انثى
من برج : الميزان
البرج الصيني : الثور
عدد الرسائل : 677
العمر : 31
infos : المهم أن نصل و لا يهم متى نصل
نقاط : 5101
تاريخ التسجيل : 01/04/2007

بطاقة الشخصية
مزاجي: نشيط نشيط
التميز:
منتداك المفضل: التسالي

7assri ][ خبيرة لمغطية بشعرها ][

مُساهمة  Karawanah في السبت 23 يناير 2010, 11:23

نبدا أنا إن شاء الله
غادي نعاود ليكم على لمغطية بشعرها
زمان كان الناس يرحلو يقلبو على الرزق فينما كان يقطعو لبحور و الوديان و لجبال و يعرفو ناس يكونو حباب و ناس يخليوهم من العديان إيوا الزمان هذا لهلا يوريك يا اللي سامعني
داز الزمان و حطنا عند واحد من الناس اللي كانو يدوزو بين البلدان راكب عودو اللي ما يركبو غير مولاه في غابة كبيرة بين الشجر و الوديان يعطش العود ياخدو مولاه يشرب من الواد فين يكونو شي عيالات يصبنو و يغسلو و يعمرو لما اللي يشربوه يشرب العود يركب فيه مولاه ما راد لبال لحد العود يضرب وحدة هازة خابية طيح الخابية و تتهرس ينزل فارسنا الهمام من عودو يطلب السماح تقول ليه مولات الخابية مالك أولدي زربان غادي تشوف بنت السلطان اللي شعرها غطا لمكان .الولد يجيه لفضول بنت سلطان و شعرها غطا لمكان خاصني نشوفها و نعرفها .
يجلس الولد و يبقى بسول و يعاود على بنت السلطان لمغطية بشعرها اللي جا طالب راغب فيها يمشي ما يرجع يقولو مات قولو تسطى يقولو تلف ما عرف طريق هادا ماكان.
إوا مشاالخيال ديالنا و في راسو ما تكون غي لمغطية بشعرها ساكنة خمم مزيان حتا قال احتا أنا نمشي عند السلطان طالب راغب و مشا عند السلطان اللي قصرو من كبرو تنسى منين دخلتي ليه .يجي السلطان راجل على وجهو مهابة ما شافها شيخ من شياخ الزمان يسول الولد آش جابك يا ولد الناس يجاوبو الخيال جيت عندكم يا مولاي السلطان طالب راغب في بنتكم لمغطية بشعرها يجاوبو السلطان فين شفتيها يا ولد الناس و هي ما كتخرج ما كتدرج من باب لقصر غير يوم موسم الزواج اللي كيتقام كل عام بين ميتين بنت .قال ليه الخيال صيتها دايع بين الناس الصغير و لكبير على شعرها اللي ما شافو حد لكن سمع بيه غطا لمكان.السلطان عجبو كلام الخيال وسيفط الخادم ديالو يجيب لمغطية بشعرها زينة لبنات .كيرجع الخادم و معاه بنت السلطان
شافها خيالنا و من حياه نزل عينيه الأرض من زينها اللي نساه عذاب أيام و أيام بنت السلطان عجبها حياه و سمعت كلامو مع السلطان و قالت هادا هو ولد الناس اللي ما شافت عيني قد وقفتو ولا كلامو الموزون قدام السلطان . ياخد السلطان الخيال يفرجو على لقصر و يهدرو غي طلب ديالو اللي فيه حوايج خاصو يتخطاهم باش ينول مرادو و كان أول شي يطلبو السلطان إنو الخيال يجيب ليه سيعة التفاحات من سبع بحور قبل ما تدوز سبع أيام.مشا الخيال يخمم أشنو يدير في هاد شي و هو باغي بنت السلطان لمغطية بشعرها .تيمشى راكب عودو تيقطع السبع بحور و يجيب معاه السبع تفاحات اللي ما قد حد يقطعهم كانو حارسينهم سبع غيلان.تيدخل السلطان و تيجيب لعوين ديالو و يشوف التفاحات السبعة اللي من سبع بحور و تيفرح خيالنا اللي قرب ينول رضى السلطان وبقا ليه غير يعرف بنت السلطان من بين ميتين بنت في موسم الزواج اللي فيه لبنات تيركبو لجمال مغطيين وجوههم و لابسين نفس اللباس و كل ولد من ولاد لبلاد يختار وحدا من بين الميتين بنت .بنت السلطان كتسمع لكلام و كتسيفط الخادم ديالها للخيال مول العود تعطيه لبشارة و لعلامة باش يعرفها من بين الميتين بنت و كانت مزيتها بيناتهم كبة الناموس اللي فوق راس بنت السلطان اللي كانت ما كتخلي حد يختارها من ولاد لبلاد
في الموسم الناس لابسا ما عندها جديد و تشوف اللي غاب لا خبيرة عليه لا حد يهني البال كتدخل ميتين بنت ملتمة فوق الجمل راكبة
تتسناولد الناس اللي كتبو ليها الله و بينهم بنت السلطان
تتجي النوبة ديال الخيال مول العود باش يختار بين لبنات كاملات حيت بداو بيه الموسم بشوار من السلطان.عين الخيال كتدور تشوف فين هي مولات العلامة و فين هي هولات كبة الناموس اللي قطع عليها السبع بحور طالب راغب شوية كتظهر ليه العلامة غمامةكبيرة من الناموس دايرة ببنت من لبنات اختاها خيالنا مول العود و كانت هي بنت السلطان لمغطية بشعرها و تزوج خيالنا باللي بغاتها نفسو و عاش في قصر السلطان .
و خبيرتي مشات معا الواد و أنا بقيت مع لجواد...................................................



الكروان الحزين

The King Zaki
::مدير المنتدى::

::مدير المنتدى::

الجنس : ذكر
من برج : القوس
البرج الصيني : الثور
عدد الرسائل : 3908
العمر : 31
Localisation : |W|ZakiLand|W|
infos : خير الكلام ما قل و دل
نقاط : 6243
تاريخ التسجيل : 15/11/2006

بطاقة الشخصية
مزاجي: متوتر متوتر
التميز:
منتداك المفضل: الصور و التصاميم

7assri رد: (¯`·._.·[ خبيرتي مشات مع الواد و أنا بقيت مع لجواد ]·._.·´¯)///بالدارجة المغربية

مُساهمة  The King Zaki في السبت 23 يناير 2010, 17:17

السلام عليكم
رووووووووووعة يا كروانة
أعطى الموضوع للمنتدى نكهة مغربية أصيلة
قصة من الثرات المغربي العريق الذي لا يعلى عليه
الله يخلي ليك الشخص لي قالك حاد الخبيرة و لي ما يكون غير الجدة نتاعك










L00L
» أفـيـدي(ة) جديد(ة) «


الجنس : انثى
عدد الرسائل : 13
نقاط : 2967
تاريخ التسجيل : 31/10/2008

بطاقة الشخصية
مزاجي:
التميز:
منتداك المفضل:

7assri رد: (¯`·._.·[ خبيرتي مشات مع الواد و أنا بقيت مع لجواد ]·._.·´¯)///بالدارجة المغربية

مُساهمة  L00L في الأربعاء 03 فبراير 2010, 15:38

سلـــمت يــداك يــا الكرواااااااااااانة

تبــارك الله عليــك

أنشودة المطر
::نائبة المدير::

::نائبة المدير::

الجنس : انثى
من برج : العقرب
عدد الرسائل : 3138
infos : ليتنا مثل الاسامي, لايغيرنا الزمن
نقاط : 4872
تاريخ التسجيل : 21/03/2007

بطاقة الشخصية
مزاجي: جيد جيد
التميز: -
منتداك المفضل: الرياضة

7assri رد: (¯`·._.·[ خبيرتي مشات مع الواد و أنا بقيت مع لجواد ]·._.·´¯)///بالدارجة المغربية

مُساهمة  أنشودة المطر في الأربعاء 03 فبراير 2010, 17:40

Salam Alikom
تبارك الله عليك كروانتي على الخبيرات القديمة من عند جدواتنا الحنينات
ذاك الوقت كنا كنعيشو مع الخبيرة وخا تكون تخوف ماكان لا كمبيوتر و لا غيرو ههههه و مكتحس حتي يديك النعاس

لوووول أهلا عزيزتي نورتي المنتدى بطلتك







DA_NOUNI
::مشرف قسم المعلومات الإسلامية::


الجنس : ذكر
من برج : الميزان
عدد الرسائل : 361
نقاط : 3732
تاريخ التسجيل : 01/04/2007

بطاقة الشخصية
مزاجي:
التميز:
منتداك المفضل:

7assri رد: (¯`·._.·[ خبيرتي مشات مع الواد و أنا بقيت مع لجواد ]·._.·´¯)///بالدارجة المغربية

مُساهمة  DA_NOUNI في الأربعاء 03 فبراير 2010, 20:15

السلام عليكم
اش غادي نقول او اش غادي نكتب
كروانة تبارك الله عليك
ادب عالمي مغربي من جدور الثراث المغربي
روعة بكل معنى الكلمة
برافو برافو




Karawanah
::مشرفة قسم الأناقة و الزينة و الديكور::


الجنس : انثى
من برج : الميزان
البرج الصيني : الثور
عدد الرسائل : 677
العمر : 31
infos : المهم أن نصل و لا يهم متى نصل
نقاط : 5101
تاريخ التسجيل : 01/04/2007

بطاقة الشخصية
مزاجي: نشيط نشيط
التميز:
منتداك المفضل: التسالي

7assri (¯`·._.·[ خبيرة فليفلة بنت سجان غول الغيلان ]·._.·´¯)

مُساهمة  Karawanah في الإثنين 08 فبراير 2010, 12:05

(¯`·._.·[ خبيرة فليفلة بنت سجان غول الغيلان ]·._.·´¯)

السلام عليكم
خبيرتنا زينة زين بلعمان بين وادنا و واد جيران محبتو تشبع الجيعان و تروي العطشان سمعوني مزيان و فهمو مزية لحكاية ما حاد شمعتنا شاعلة هي تبكي بدموع و احنا كلامنا ليها كل بين القال و القيل.
بين غابات الشوك و بلاد حب لملوك كان البعد مزية من بين الورد و شوك كانت خبيرتنا تبدا و تسالي .
كان في بلاد حب لملوك سلطان عطاه الله ولد واحد زينو زين ضحكتو تنور الضايع وسط قاع البير كان يبغي الناس بزاف كل نهار يخرج يسول كيف عاملين كيف عايشين مرة كان في سوق لبلاد تلاقى مع الحطاب و كان راجل كبير لحيتو البيضا تحكي ليك حكمتو في الدنيا الناس كاملة كانت تعجبهم قصتو في غابات الشوك اللي ما دخلها حد إوا ولد السلطان جلس يسمع و يفهم سمعو يتكلم على الغول سجان و بنتو وحيدتو فليفلة اللي زينها ما شافتو عين ولد السلطان عجباتو القصة وقرر يمشي يشوف هاد الغابة و اللي فيها
إوا ولد السلطان دخل لغابة الشوك واخد حيطتو ليتلاقى و الغول سجان شوية سمع شي حد كيتحرك طل يشوف لقى بنت كتجمع لحطب زينها خلاه جامد في مكانو سبحان الله فين كانت هادي شوية تبعها حتا دخلت دارهم و تبعها باش يفهم كيف عايشة في هاد الغابة .حسات البنت بي شي حد دخل الدار طلت بشوية لقات ولد من زينة الرجال واقف قدامها خافت حيت عمرها شافت شي حد عن قريب من غير باها سجان الغول و لا الصيد اللي كان يجيبو باش ياكلو سولها ولد السلطان شكون نتي جاوباتو أنا فليفلة بنت سجان الغول و سولها على قصتها و حكات ليه كل ما يخفى شوية الأرض تزعزعات تحت رجليهم فليفلة جرت ولد السلطان خاصك تتخبا با جاي و إلا شافك أولا شم ريحتك هنا راه ياكلك إوا خباتو فليفلة مزيان و مشات تشعل لحطب اللي جابت من الغابة .جا الغول لدار و في عتبة الباب غوت بصوتو تنشم ريحة بنادم في الدار فليفلة آجي لهنا شكون دخل لدار جاوباتو فليفلة ما جا حد كاينة غير أنا قدامك قال ليها الغول و هاد الريحة منين جات قالت ليه كنت نجمع لحطب و لقيت سلهام قديم جبتو ليك أبا تتوسد بيه إوا شد الغول السلهام اللي نساه ولد السلطان و بقا يشم فيه حتا تأكد أنها نفس الريحة و هو يقول لفليفلة باغي ناكل راني جيعان اليوم جابت ليه فليفلة لعظام اللي بقاو من لغدا و كال الغول و قال لبنتو آجي ترتاحي راكي نهار كاملو نتي تجمعي لحطب إوا مشاو ينعسو من عادة فليفلة تظفر شعرها جوج ظفرات وحدا ينعس عليها الغول سجان و وحدا تدفي بها راسها.
إوا كيف العادة نعس الغول على ظفيرة بنتو باش يحس بيها إلا تحركات و لا بغات تخرج من الدار فليفلة بنت سجان كانت ذكية بزاف و زعمات باش تهرب مع ولد السلطان اللي مخبياه و لكن حتى يقرب يصبح الصباح .دارت راسها ناعسة و هي كتفكر كيفاش دير باش تهرب داز الوقت و قرب الصبا بدات فليفلة تسل شعرها من تحت راس الغول شعرة بشعرة حتا كملات و مشات عند ولد السلطان فيقاتو باش يهربو و هي خارجة جيهة الباب سمعات الغول تيغوت فليفلة و هي تقول نعم أبا شوية دفلت دفلة حدا الغول و وحدا حدا الباب و هما خارجين هي و ولد السلطان و دفلة خارج الباب و مشات تجري هي و ولد السلطان حتا وصل ولد السلطان لخيل ديالو و ركبو داك الوقت كل مرة الغول يغوت على بنتو فليفلة و تجاوبو دفلة من دفلاتها حتى جاوباتو الدفلة اللي كانت بعيدة نعم أبا و هو ينوض يجري فينك أ فليفلة و مشى يجري في الغابة و يغوت وا فليفلة رجعي لدار رجعي لدار شوية عيا الغول من جري و كتبان ليه ليفلة و ولد السلطان طالعين بعاد عليه و هو يقول وا فليفلة عنداك أبنت من الشعبة الحمرا عندا عنداك و لكن فليفلة ما سمعات والو من كلام باها سجان و مشات مع ولد السلطان حتى وصلو الشعبة الحمرا اللي كانت بلاصا خاوية اللي جلس فيها تنسى و يموت .إوا ولد السلطان كان خلا باه مريض و هو مع فليفلة قرر يخليها في الشعبة الحمرا باش يرجع يشوف باه السلطان أمور لبلاد و يوجد كلشي لعرسو هو و فليفلة و يجي ياخدها معاه لقصر لسلطان فليفلة خافت زاف لميرحعش ولد السلطان و هي عمرها خرجات من غابة الشوك .ولد السلطان عطاها كلمة الرجال و هنا ليها البال .مشى ولد السلطان و بقات فليفلة بنت سجان في الشعبة الحمرا ليالي بلا حساب ولد السلطان مات باه و بقا بين المشاكل غارق و نسا حبيبتو فليفلة بنت سجان .فليفلة بقات تتسنا ولد السلطان اللي ولا سلطان يوفي بكلامو و يرجع يلقاها في خلاها حتا نيسات و خرجات من الشعبة الحمرا و تلاقات مع مرا كبيرة من الناس اللي مقابلين غنم و بقر السلطان مني شافت فليفلة حباتها و لمحبة ما تشرا بمال و طلبت منها تعيش معاها مادام الله ما رزقها بلولاد و فليفلة ما تعرف حد في هاد لبلاد إوا فليفلة وافقات تكون بنتها و تقابل بقر السلطان بشرط ما تخرجش من تماكين إوا فليفلة كانت كل نهار تخرج بقر السلطان يرعوا و يوردوا و هي كتحكي حكايتها ليهم و دموعها على خذها تسيل كل النهار .واحد نهار بقر السلطان كل مرض ما بقا باغي ينوض لا ياكل لا يورد واش عرفتو علاش .بقر السلطان حب فليفلة بزاف و كل مرة كان يسمع حكاية فليفلة كانت تبقا فيهم .سمع ولدالسلطان اللي ولا سلطان خبار بقر ديالو و قرر يشوف أشنو كاين و أشنو جاري .
وصل ولد السلطان لقى فليفلة بنت سجان جاسة جنب لبقر تحكي حكايتها و تبكي بالدموع السلطان سمع لحكاية و تفكر فليفلة اللي نساها في الشعبة الحمرا لا حنين لا رحيم .و قرر يتزوج فليفلة من بعدما جكى ليها أش جرى و أش طرى سامحاتو فليفلة من قلبها و شرطت عليه يطبها من الفلاحة لكبيرة للي دارتها بحال بنتها و سكناتها معاها وسط هاد شي كامل رجع بقر السلطان بخيراتو و تزوجت فلفلة بنت الغول سجان ولد السلطان اللي ولا سلطان و تقامت الليالي و حضرها الصغير قبل من الكبير فرحانين بفليفلة و السلطان.خبيرتي مشات مع الواد و أنا بقيت مع لجواد



الكروان الحزين

أنشودة المطر
::نائبة المدير::

::نائبة المدير::

الجنس : انثى
من برج : العقرب
عدد الرسائل : 3138
infos : ليتنا مثل الاسامي, لايغيرنا الزمن
نقاط : 4872
تاريخ التسجيل : 21/03/2007

بطاقة الشخصية
مزاجي: جيد جيد
التميز: -
منتداك المفضل: الرياضة

7assri رد: (¯`·._.·[ خبيرتي مشات مع الواد و أنا بقيت مع لجواد ]·._.·´¯)///بالدارجة المغربية

مُساهمة  أنشودة المطر في الإثنين 08 فبراير 2010, 13:24

Salam Alikom
تبارك الله عليك كروانة فعلا خبيرة جميلة و مضمونها أجمل و طريقة سلسة في الحكي عشت مع القصة هههه

شكرا لمجهوداتك كروانتي







happy_man
» أفـيـدي(ة) فعّال(ة) «


الجنس : ذكر
عدد الرسائل : 752
Localisation : الجزائر
infos : ليتنا فوق الزمن، لا تغيرنا الأسامي
نقاط : 3649
تاريخ التسجيل : 03/12/2009

بطاقة الشخصية
مزاجي: جيد جيد
التميز:
منتداك المفضل: الرياضة

7assri رد: (¯`·._.·[ خبيرتي مشات مع الواد و أنا بقيت مع لجواد ]·._.·´¯)///بالدارجة المغربية

مُساهمة  happy_man في الإثنين 08 فبراير 2010, 16:40

السلام عليكم و رحمة الله

و الله شيء رائع
عجبتني بزاف بزاف
كيما قالت أنشودة، خليتينا نعيشوا الحكاية
فكرتيني بجداتي الله يرحمها

ملاحظة صغيرة: يا ريت لو تنوعي في ألوان الكتابة حتى يكون الموضوع جميلا
و حتى لا يبدوا طويلا و مملا من أول نظرة
مجرد اقتراح بسيط و الأمر لك أختي كروانة



shrimpos
::مشرفة منتدى الطبخ و التغذية::

::مشرفة منتدى الطبخ و التغذية::

الجنس : انثى
من برج : الحمل
عدد الرسائل : 1053
infos : المهم فيما تراه هو ما تتطلع إليه
نقاط : 4327
تاريخ التسجيل : 25/02/2008

بطاقة الشخصية
مزاجي: جيد جيد
التميز: مميز شهر شتنبر مميز شهر شتنبر
منتداك المفضل: الطبخ و التغذية

7assri رد: (¯`·._.·[ خبيرتي مشات مع الواد و أنا بقيت مع لجواد ]·._.·´¯)///بالدارجة المغربية

مُساهمة  shrimpos في الإثنين 08 فبراير 2010, 21:13

السلام عليكم ورحمة الله وبركاته

hta ana 3echt m3a le7kaya , karawanati tbarkelah 3lik ousloub ra2i3, w khass bel 7ejjayat.
fi intidar al mazid men l hejjayat l ghariba wel 3ajiba, li talab chakhsiy : ila yemken diri lina l7ejjaya dial " Hayna", sa2akouno laki mina chakirate. merci d avance.




L00L
» أفـيـدي(ة) جديد(ة) «


الجنس : انثى
عدد الرسائل : 13
نقاط : 2967
تاريخ التسجيل : 31/10/2008

بطاقة الشخصية
مزاجي:
التميز:
منتداك المفضل:

7assri رد: (¯`·._.·[ خبيرتي مشات مع الواد و أنا بقيت مع لجواد ]·._.·´¯)///بالدارجة المغربية

مُساهمة  L00L في الجمعة 12 فبراير 2010, 20:21

يعطيـــك الصحة يــا الكروااااااانة



في انتظـار الخبيــرة القــادمة



yasserha
» أفـيـدي(ة) جديد(ة) «


الجنس : ذكر
عدد الرسائل : 2
نقاط : 2490
تاريخ التسجيل : 11/02/2010

بطاقة الشخصية
مزاجي:
التميز:
منتداك المفضل:

7assri رد: (¯`·._.·[ خبيرتي مشات مع الواد و أنا بقيت مع لجواد ]·._.·´¯)///بالدارجة المغربية

مُساهمة  yasserha في الأحد 21 فبراير 2010, 21:20

تبارك الله عليك فكرتونا في زمان واش من زمان

    الوقت/التاريخ الآن هو الأحد 04 ديسمبر 2016, 16:16